Ինչպես բացահայտել վտանգավոր հիվանդությունները մկնիկի կուրսորի միջոցով
Համակարգչային մկնիկի օգտագործման առանձնահատկությունները կարող են օգնել Պարկինսոնի եւ Ալցհայմերի հիվանդությունների ախտորոշման հարցում: Այդ մասին ասված է Դյուկի համալսարանի եւ Microsoft-ի համատեղ աշխատության մեջ, դրա մասին գրել է Daily Mail-ը։
Հետազոտության ընթացքում մասնագետներն արհեստական ինտելեկտի միջոցով 31 միլիոն հարցում են վերլուծել Bing որոնողական համակարգում: Աշխատության հեղինակները համեմատել են Պարկինսոնի եւ Ալցհայմերի հիվանդությունների ախտանշաններով հետաքրքրվող մարդկանց պահվածքն հսկվող խմբի հետ:
Պարզվել է, որ մկնիկի դողդողացող կուրսորը, դանդաղ էջափոխումը եւ տեղեկատվության կրկնական որոնումը Համացանցում կարող են լինել այդ հիվանդությունների զարգացման վաղ նշանները, հաղորդել է ՌԻԱ Նովոստին:
