«Ռեալին» և «Բարսելոնային» հետաքրքրում է «Սանթոսի» 17-ամյա ֆուտբոլիստը
«Սանթոսի» կիսապաշտպան Ռոդրիգո Գոեսը հետաքրքրում է եվրոպական թոփ-ակումբներին:
17-ամյա ֆուտբոլիստը Բրազիլիայի առաջնությունում «Վիտորիոյի» դեմ անցկացրած վերջին խաղում (5:2) ձևակերպել է հեթ-տրիկ 9 րոպեում և կատարել է գոլային փոխանցում:
Նրա տրանսֆերով հետաքրքրված են «Ռեալը» և «Բարսելոնան»: Կատալոնական ակումբը վաղուց է հետևում Ռոդրիգոյին, իսկ «Ռեալն» արդեն տեղեկացրել է նրա ներկայացուցիչներին հետաքրքրության մասին: «Սանթոսը» 17-ամյա ֆուտբոլիստին գնահատում է մոտ 50 մլն եվրո:
Գոեսի դեբյուտը «Սանթոսում» տեղի է ունեցել 2017թ. նոյեմբերին:
Պատրաստեց Անի Գաբուզյանը
