Մահացել է ռեփի նախապապը
ԱՄՆ-ում վախճանվել է բանաստեղծ եւ կատարող Ջալալ Մանսուր Նուրիդին՝ The Last Poets աֆրոամերիկյան պոետական կոլեկտիվի մասնակիցը: Այդ մասին հայտնել է Rolling Stone-ը՝ վկայակոչելով արտիստի ազգականներին:
Նուրիդինը 74 տարեկան էր: Մահվան պատճառը չի բացահայտվում:
The Last Poets-ի կազմում իր ստեղծագործության համար Նուրիդինին կոչել են «ռեփի նախապապ»:
Խմբի ալբոմները, որոնցում մինիմալիստական երաժշտությունը համադրվել է ռեչիտատիվի եւ քաղաքական ու սուր սոցիալական թեմաներով տեքստերի հետ, դարձել են հիփ-հոփի ամենավաղ շրջանի օրինակներից մեկը: The Last Poets-ը հայտնվել է 1968 թվականին: 2018-ին կոլեկտիվը թողարկել է Understand What Black Is ալբոմը:
