Կինը հոգնել էր թաքցնել մարմինը և որոշեց լողազգեստներ կարել
Ամերիկյան Sports Illustrated հրատարակության պլյուս-սայզ մոդել Հանթեր Մաքգրեդին ներկայացրել է լողափի հագուստի սեփական շարքը: Այդ մասին հայտնել է The Sun-ը:
25-ամյա աղջիկը որոշել է, որ բրենդները խտրականության են ենթարկում գեր կանանց՝ նրանց առաջարկելով մարմինը ծածկող լողազգեստներ, եւ սկսել է նրանց համար ավելի բաց լողազգեստներ եւ բիկինիներ թողարկել Playful Promises մակնիշի հետ գործակցությամբ:
«Պլյուս-սայզ ապրանքների շուկայի արտադրողները համարում են, որ մեզ համար գլխավորը մարմինը ծածկելն է: Յուրաքանչյուր կին պետք է հնարավորություն ունենա իրեն գրավիչ եւ վստահ զգալ»,-ասել է նա եւ հավելել, որ առաջներում երբեք չի կարողացել իր մարմնակազմին համապատասխանող լողազգեստ գտնել:
Հանթեր Մաքգրեդիի շարքում տեղ Է գտել 33-ից մինչեւ 66 դոլար արժողությամբ միակտոր 10 եւ առանձնացված հինգ կոստյումներ: Չափսերի շարքն սկսվում է 46-ից եւ ավարտվում՝ 52-ով:
