Իրանում ռազմական ինքնաթիռ է կործանվել
Իրանի կենտրոնական Սպահան նահանգում հունիսի 2-ին ռազմական ինքնաթիռ է կործանվել: Այս մասին հայտնում է «ՌԻԱ Նովոստի»-ն:
Իրանական Tansim գործակալության տվյալներով՝ ինքնաթիռը կործանվել է Դաստջերդ բնակավայրից ոչ շատ հեռու: Օդանավի անձնակազմի երկու անդամները ողջ են մնացել:
Դեպքի վայրում աշխատում են փրկարար ջոկատները: Կործանման պատճառները դեռևս հայտնի չեն:
