«Ես հպարտ եմ, որ մենք այսպիսի արդարադատություն ունենք». Մասիսի քաղաքապետը դուրս եկավ դատարանի շենքից
«Կեցցե Հայաստանի Հանրապետությունը և արդարադատությունը»,- քիչ առաջ դատարանից դուրս գալուց հետո լրագրողների հետ զրույցում ասաց Մասիսի քաղաքապետ Դավիթ Համբարձումյանը։
Ինչպես հայտնի է, այսօր Երևանի ընդհանուր իրավասության դատարանը Էրեբունի վարչական շրջանում ապրիլի 22-ին զանգվածային անկարգություններ կատարելու և կազմակերպելու մեջ մեղադրվող Մասիսի քաղաքապետ Դավիթ Համբարձումյանին ազատ է արձակել: Հիշեցնենք, որ նրան մեղադրանք էր առաջադրվել՝ ՀՀ քրեական օրենսգրքի 225-րդ հոդվածի 1-ին և 2-րդ մասերի (զանգվածային անկարգություններ կազմակերպելու և կատարելու) հատկանիշներով:
Հացին, թե սպասելի՞ էր այս որոշումը՝ քաղաքապետն այսպես պատասխանեց. «Սպասելի էր, և ես հպարտ եմ, որ մենք այսպիսի արդարադատություն ունենք»։
Լրագրողների հետ կարճ զրույցից հետո քաղաքապետը մոտեցավ դատարանի մուտքի մոտ ի պաշտպանություն իրեն ակցիա իրականացող Մասիսի քաղաքացիներին և ողջագուրվեց նրանց հետ։
