«Ռեալի» երկրպագուներն ուզում են, որպեսզի թիմը գլխավորի Յուրգեն Կլոպը
Մադրիդի «Ռեալի» երկրպագուները մասնակցել են թիմի նոր մարզչի համար քվեարկությանը: Հարցումը կազմակերպել էր իսպանական Marca պարբերականը:
«Սերուցքայինների» երկրպագուների մեծամասնությունը քվեարկել է «Լիվերպուլի» գլխավոր մարզիչ Յուրգեն Կլոպի օգտին (29 տոկոս):
«Տոտենհեմի» գլխավոր մարզիչ Մաուրիսիո Պոչետինոն հավաքել է ձայների 23 տոկոսը: Մադրիդցիների նախկին ֆուտբոլիստ Գուտին, ով տվյալ պահին գլխավորում է «Ռեալի» U19 թիմը, գրավեց 3-րդ տեղը (20 տոկոս): Գերմանիայի հավաքականի մարզիչ Յոախիմ Լյովը հավաքեց ձայների 14 տոկոսը:
Հիշեցնենք, որ մայիսի 31-ին Զինեդին Զիդանը հայտարարեց «Ռեալի» գլխավոր մարզչի պաշտոնից հեռանալու մասին: Նրա ղեկավարությամբ «Սերուցքայինները» դարձել են Իսպանիայի չեմպիոն և 3 անգամ հաղթել են Չեմպիոնների լիգան:
Պատրաստեց Անի Գաբուզյանը
