«Յուքոմ» ընկերության կայանում հրդեհ է բռնկվել
Հունիսի 1-ին, ժամը 08:24-ին «911» ծառայությանն ահազանգ է ստացվել, որ հրդեհ է բռնկվել Սյունիքի մարզի Կարմրաքար գյուղում գտնվող «Յուքոմ» ընկերության կայանում:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից երկու մարտական հաշվարկ:
Հրդեհը մեկուսացվել է ժամը 10:30-ին, մարվել՝ 10:35-ին:
Այրվել է «Յուքոմ» ընկերությանը պատկանող աշտարակին կից գտնվող վագոն-տնակը (3X5 մ)՝ գույքով: Հրդեհի հետևանքով տուժածներ չկան:
