Բրդից` թել, թելից` գուլպա ու կարպետ. Ամասիայում արտադրամաս կգործի
Tsayg.am-ը գրում է. Բրդից` թել, թելից` գուլպա ու կարպետ: Եվրամիությունը, Հայաստանի կառավարությունն ու գործընկեր կազմակերպություններն Ամասիայում բրդի արտադրամաս են ստեղծում: Հումքը` բնական, տեխնոլոգիան` ավանդական: Ամասիան ոչխարաբուծության զարգացման պոտենցիալ ունի: Արտադրամասի բացումը կնպաստի անասնագլխաքանակի ավելացմանը` կայուն եկամուտ ապահովելով տեղի ֆերմերների համար: Բրդի արտադրամասը կգործարկվի մի քանի ամսվա ընթացքում, երբ կավարտի շենքի նորոգումը: Գործարանում կկատարվի բրդի մթերում, լվացում, մանում, թելի արտադրություն և բնական ներկում: 60 և ավելի աշխատատեղ կբացվի:
