Վթար «Ադորա» ռեստորանային համալիրի մոտ. կան տուժածներ
Մայիսի 18-ին, ժամը 13:13-ին «911» ծառայությանն ահազանգ է ստացվել, որ Երևան քաղաքի Եղվարդի խճուղում՝ «Ադորա» ռեստորանային համալիրի մոտակայքում, տեղի է ունեցել ՃՏՊ. կան տուժածներ: Անհրաժեշտ է փրկարարների օգնությունը:
Դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ և ՀՀ ԱԻՆ ՓԾ Ճգնաժամային կառավարման ազգային կենտրոնի օպերատիվ խումբը:
Պարզվել է, որ բախվել են «Nissan Skyline» (վարորդը՝ Բ. Ե.) և «Opel Astra G» (վարորդը՝ Հ. Հ.) մակնիշների ավտոմեքենաները, ինչի հետևանքով «Opel Astra G» մակնիշի ավտոմեքենան գլխիվայր շրջվել է:
Բախման հետևանքով ավտոմեքենաների վարորդները ստացել են տարբեր բնույթի վնասվածքներ: Վերջիններիս շտապօգնության աշխատակիցները տեղում ցուցաբերել են առաջին բուժօգնություն:
Կտրվի լրացուցիչ տեղեկություն:
