Զինկոմիսարիատների օպտիմալացման ծրագիրը Դավիթ Տոնոյանի որոշմամբ հետաձգվել է
Ծանոթանալով զինկոմիսարիատների օպտիմալացման հայեցակարգի իրականացմանն ուղղված աշխատանքներին եւ առկա խնդիրներին, ՀՀ պաշտպանության նախարար Դավիթ Տոնոյանը հանձնարարել է ՀՀ ՊՆ, ԶՈւ եւ ԶՈւ ԳՇ համապատասխան վարչություններին որոշումների վերջնական կայացումը հետաձգել մինչեւ ս.թ. հունիսի 21-ը, այս մասին տեղեկանում ենք ՀՀ ՊՆ տարածած մամուլի հաղորդագրությունից:
ՀՀ պաշտպանության նախարարը հանձնարարել է նաեւ նշված օրը ներկայացնել հստակ առաջարկներ խնդիրների լուծման համար:
Հիշեցնենք, որ այսօր օպտիմալացման հետեւանքով աշխատանքից զրկվող մոտ 11 զինկոմիսարիատների աշխատակիցներ առավոտյան բողոքի ցույց էին բարձրացրել կառավարության դիմաց, իսկ հետո հանդիպել էին ՊՆախարարին:
