Մաուրիսիո Պոչետինոն «Տոտենհեմից» կպահանջի 170 մլն եվրո տրանսֆերների համար
«Տոտենհեմի» ղեկավարությունն ուզում է Մաուրիսիո Պոչետինոյին առաջարկել բարելավված պայմանագիր, բայց մասնագետին հետաքրքրում է ոչ միայն աշխատավարձը:
Նախկինում արգենտինացին ընդունում էր նախագահ Դանիել Լևիի դիրքորոշումը, որ ակումբը չի կարող մրցակցել տրանսֆերների շուկայում այլ գրանդների հետ: Բայց Չեմպիոնների լիգայում հերթական անգամ հայտնվելուց հետո Մաուրիսիոն ուզում է թիմը հանել նոր մակարդակի և իսկական պայքար մղել տիտղոսի համար:
Ինչպես հայտնի է դարձել The Telegraph-ին, արգենտինացի մարզիչը կփորձի Լևիից և սեփականատեր Ջո Լյուիից ստանալ 170 մլն եվրո՝ կազմն ուժեղացնելու համար: Բացի այդ, Պոչետինոն ցանկանում է պահպանել թիմի առաջատարներին, որոնց նկատմամբ հավակնություններ ունեն ԱՊԼ-ի նրանց մրցակիցները և Եվրոպայի այլ թոփ-ակումբներ:
Պոչետինոն ղեկավարում է «Տոտենհեմը» 2014 թվականից:
ԱՊԼ-ի 2017-18թթ. մրցաշրջանում «Տոտենհեմը» գրավեց 3-րդ տեղը:
Պատրաստեց Անի Գաբուզյանը
