«Արսենալը» գլխավոր մարզչի պաշտոնում մտադիր է նշանակել Նագելսմանին կամ Արտետային
«Արսենալը» սկսել է բանակցությունները գլխավոր մարզչի պաշտոնի թեկնածուների հետ արդեն այս շաբաթ: Ինչպես հաղորդում է Sky Sports-ը, «Արսենալն» ընտրել է երկու հիմնական հավակնորդների. «Մանչեսթեր Սիթիում»՝ Պեպ Գվարդիոլայի օգնական Միկել Արտետային, և «Հոֆենհայմի» գլխավոր մարզիչ Յուլիան Նագելսմանին:
Լոնդոնյան ակումբը հարցում չի կատարել ակումբի նախկին ֆուտբոլիստներ Պատրիկ Վիեյրայի և Թիերի Անրիի վերաբերյալ: «Բարսելոնայի» նախկին մարզիչ Լուիս Էնրիկեն, ով հետաքրքրված է աշխատանքով, պահանջել է չափազանց բարձր աշխատավարձ:
Ավելի վաղ մարզչի պաշտոնի հիմնական հավակնորդ էր համարվում «Յուվենթուսի» մարզիչ Մասիմիլիանո Ալեգրին:
Պատրաստեց Անի Գաբուզյանը
