Գերմանիայում 81-ամյա վարորդը վրաերթի է ենթարկել մի խումբ հեծանվորդների

Գերմանիայի Բրանդենբուրգի երկրամասի Կլյայն Կյորիս համայնքում տարեց վարորդը վրաերթի է ենթարկել մի խումբ հեծանվորդների, չորս մարդ օրհասական վիճակում է: Այդ մասի հայտնել է Rundfunk Berlin-Brandenburg ռադիոկայանը՝ հղում անելով ոստիկանությանը:

Միջադեպը տեղի է ունեցել մայիսի 13-ին՝ օրվա երկրորդ կեսին: Ականատեսների խոսքով՝ վարորդը վրաերթի է ենթարկել հեծանվորդներին, որոնք ընթանում էին ճամփեզրով: Ռադիոկայանի տվյալներով վարորդը 81 տարեկան է: Նշվում է, որ չորս տուժածներին տեղափոխել են հիվանդանոց, նրանց վիճակը գնահատվում է՝ օրհասական: Առայժմ հայտնի չէ, թե ինչն է դարձել միջադեպի պատճառը, կատարվում է հետաքննություն, հաղորդել է ՌԻԱ Նովոստին:

81-Jähriger Autofahrer fährt bei Klein Köris von hinten in Gruppe von Radfahrern. Zwei Frauen und Männer wurden lebensgefährlich verletzt. https://t.co/Vozyzt4E9z pic.twitter.com/qHuMNONLpo

— rbb|24 (@rbb24) May 13, 2018