Իլոն Մասքը ցուցադրել է էլեկտրաբուսի առաջին թունելը Լոս Անջելեսի տակ

Լոս Անջելեսի տակ արագընթացիկ թունելի ստեղծումը մոտենում է ավարտին: Այդ մասին Instagram-ում հայտնել է SpaceX-ի եւ Tesla-ի հիմնադիր Իլոն Մասքը: «Լոս Անջելեսի տակ Boring Company-ի առաջին թունելը գրեթե պատրաստ է:

Կարգավորող մարմինների կողմից վերջնական հաստատման նախաշեմին մենք մի քանի ամսից կազմակերպում ենք ցուցադրական ուղեւորություններ»,-գրել է նա:

Մասքն ընդգծել է, որ այն բանից հետո, երբ համակարգը կգործարկվի սովորական ռեժիմով, գերակայությունը կտան հետիոտներին ու հեծանվորդներին: Երթեւեկության արժեքը, նրա խոսքով, ավելի պակաս է, քան ավտոբուսի տոմսի գինը: Ավելի վաղ ձեռնարկատերը հրապարակել էր հասարակական տրանսպորտի նոր տեսակի՝ ստորգետնյա էլեկտրաբուսի նախագիծը, որը կկարողանա ժամում զարգացնել մինչեւ 200 կիլոմետր արագություն: Նախագիծը ենթադրում է հազարավոր փոքր կայարանների ստեղծում մոտավորապես կայանատեղիի չափով, հաղորդել է ՌԻԱ Նովոստին:

https://www.instagram.com/p/BinoVT6Acpd/?utm_source=ig_embed