ՊՊԾ գնդի գրավման գործող մեղադրյալների աջակիցները բացել են Արշակունյաց պողոտան
Ոստիկանության պարեկապահակետային ծառայության գնդի գրավման գործող մեղադրյալների աջակիցները բացել են Արշակունյաց պողոտայի երթևեկությունը: Պողոտան փակած քաղաքացիներին այցելեց «Հիմնադիր խորհրդարան»-ի նախագահ Գարեգին Չուգասզյանը, ով պատգամավորներ Լենա Նազարյանի և Արարատ Միրզոյանի երաշխավորությամբ մայիսի 11-ին ազատ է արձակվել:
Չուգասզյանը քաղաքացիներին կոչ արեց բացել փողոցը` խոստանալով մայիսի 12-ին, ժամը 14:00-ին հանդես գալ մամուլի ասուլիսով և պատասխանել բոլոր հարցերին: Չուգասզյանը լրագրողների հարցերին չպատասխանեց, միայն քաղաքացիներին կոչ արեց բացել փողոցը` նշելով, որ առաջիկայում հետագա քայլերի վերաբերյալ հայտարարությամբ հանդես կգան:
Գարեգին Չուգասզյանը նաև հայտնեց, որ չի դադարեցրել հացադուլը, որը սկսել էր կալանավայրում:
