Ռուսաստանը շահագրգռված է իսլամական աշխարհի հետ գործընկերային կապերի ուժեղացմամբ. Պուտին
ՌԴ նախագահ Վլադիմիր Պուտինը ուղջույն է հղել «Ռուսաստան-իսլամական աշխարհ» 10-րդ միջազգային տնտեսական գագաթնաժողովի մասնակիցներին, նշելով, որ Ռուսաստանը պաշտպանում է իսլամական երկրների՝ միջազգային տնտեսական հարաբերություններում փոխադարձ շահի սկզբունքների ամրապնդմանն ուղղված ջանքերը:
Պետության ղեկավարի հեռագիրը մայիսի 10-ին զետեղվել է Կրեմլի կայքում: Պուտինը հաստատել է «շահագրգռվածությունը Ռուսաստանի եւ իսլամական աշխարհի պետությունների միջեւ կառուցողական գործընկերային կապերի հետագա ուժեղացման հարցում»:
«Այս համատեքստում մեծ նշանակություն ենք տալիս «Ռուսաստան-իսլամական աշխարհ» ռազմավարական տեսլականի խմբի աշխատանքին՝ Թաթարստանի Հանրապետության նախագահ Ռուստամ Նուրգալիեւի Միննիխանովի գլխավորությամբ»,- հավելել է պետության ղեկավարը:
«Ռուսաստան-իսլամական աշխարհ. KazanSummit» 10-րդ միջազգային տնտեսական գագաթնաժողովը մայիսի 10-ից մինչեւ 12-ն անցկացվում է Կազանում: Հանդիպումն ընթանում է Թաթարստանի Հանրապետության դաշնության խորհրդի եւ կառավարության աջակցությամբ: Գագաթնաժողովի շրջանակներում կանցկացվի Russia Halal Expo ցուցահանդեսը՝ նվիրված իսլամական կանոններով ստեղծված արտադրանքին ու ծառայություններին:
