Նյու Յորքի գլխավոր դատախազը պաշտոնաթող է եղել կանանց նկատմամբ բռնության մեղադրանքներից հետո
ԱՄՆ-ի Նյու Յորքի նահանգի գլխավոր դատախազ Էրիկ Շնեյդերմանը պաշտոնաթող է եղել այն բանից հետո, երբ չորս կանայք նրան բռնության մեջ են մեղադրել The New Yorker հանդեսում հրապարակված հոդվածում:
«Վերջին մի քանի ժամերին իմ դեմ լուրջ մեղադրանքներ են առաջադրվել, որոնց ես համաձայն չեմ»,- մեջբերում է The New York Times-ը Շնեյդերմանի հայտարարությունը: «Թեեւ այդ մեղադրանքները կապված չեն իմ պրոֆեսիոնալ վարքի կամ պարտականությունների կատարման հետ, դրանք փաստորեն կխանգարեն իմ աշխատանքին այս կրիտիկական շրջանում:
Ուստի ես 2018 թվականի մայիսի 8-ին թողնում եմ իմ պաշտոնը»,- հայտարարել է Շնեյդերմանը: Ավելի վաղ չորս կանայք Նյու Յորքի գլխավոր դատախազին մեղադրել են ծեծի եւ ահաբեկման մեջ: Բոլոր տուժածների հետ Շնեյդերմանը տարբեր ժամանակներում եղել Է ինտիմ փոխհարաբերությունների մեջ, հաղորդել է «Ինտերֆաքս»-ը:
