Ամերիկացին երկար ճանապարհ է անցել՝ հազարավոր մեղուներով բեռնատարի խցիկում
Ամերիկացի մեղվաբույծ Ուոլես Լիզերվուդը 65 կիլոմետր է անցել հազարավոր մեղուներով լի բեռնատարի խցիկում: Միջադեպի տեսագրությանն ուշադրություն է դարձրել ABC News նորությունների պորտալը:
Ամերիկացին միջատներին վաճառելու էր տանում եւ ճանապարին ավտոմեքնայից դուրս է եկել ճաշելու: Եբր տղամարդը վերադարձել է, պարզվել է, որ շուրջ երեք հազար մեղուներ կարողացել են դուրս գալ իրենց զետեղակներից եւ լցնել բեռնատարի խցիկը:
Նա որոշել է շարունակել ճանապարհը: «Ես չէի ցանկանում կորցնել իմ մեղուներին: Դրանց մի տուփը 165 դոլար արժե»,- լրագրողներին խոստովանել է Լիզերվուդը: Իր ճանապարհորդությունը տղամարդը պատկերել է տեսահոլովակում: «Հյուսթոն, մենք խնդիրներ ունենք: Աղջիկները փախել են»,- կատակով մեկնաբանել է մեղվաբույծն իրավիճակը: Նա նշել է, որ ընթացքի ժամանակ իրեն ոչ մի միջատ չի կծել, այնուամենայնիվ, նա մի քանի խայթոց է վաստակել, երբ մեղուներին հանել է բեռնատարից:
