Մաքսային արժեքի որոշման առաջին մեթոդի գործարքների քանակն ավելացել
2018 թվականի 4 ամիսների ընթացքում մոտ 40 տոկոսով աճել է «կանաչ ուղի» ընթացակարգով բաց թողնվող ապրանքների տեսակարար կշիռը: Առաջիկայում կգործարկվի նաև «կապույտ ուղի» ընթացակարգը, ինչի արդյունքում ավելի հասցեական կդառնա մաքսային հսկողությունը:
Պարզեցվել է գործարքի գնի մեթոդով ձևակերպման կարգը. գործարարները գործարքի գնի մեթոդի կիրառման համար կարող են միանգամից դիմել մաքսատներ, այլ ոչ թե վերադաս մաքսային մարմին: Ընդլայնվել է մաքսային արժեքի որոշման ժամանակ գործարքի գնի մեթոդի կիրառությունը, որի տեսակարար կշիռը հասել է 68%-ի: 2018 թվականի հունվար-ապրիլ ամիսներին մաքսային արժեքի որոշման առաջին մեթոդի գործարքների քանակն ավելացել է 13.6 տոկոսով:
Պետական եկամուտների կոմիտեի տեղեկատվության և հասարակայնության հետ կապերի բաժին
