«Քաղաքականության մեջ երբեք ոչինչ չի բացառվում». ՀՀԿ-ական պատգամավոր
«Ես կարծում եմ՝ ամեն ինչ լավ է վերջանալու»,- այսօր ԱԺ-ում լրագրողների հետ զրույցում ասաց ՀՀԿ-ական պատգամավոր Հակոբ Հակոբյանը:
Հարցին՝ ՀՀԿ-ն վարչապետի թեկնածու կունենա՞՝ Հ. Հակոբյանը պատասխանեց, որ դեռևս վարչապետի թեկնածու առաջադրելու ժամանակը չէ, դրա համար ինքը չի կարող այդ հարցին պատասխանել:
Լրագրողները հետաքրքրվեցին՝ արդյոք նա բացառո՞ւմ է, որ երկրորդ քվեարկության ժամանակ ՀՀԿ-ն Նիկոլ Փաշինյանին կողմ կքվեարկի: Ի պատասխան՝ պատգամավորն ասաց. «Քաղաքականության մեջ երբեք ոչինչ չի բացառվում»:
Հարցին՝ Դուք չվախեցա՞ք այդ հրապարակից՝ Հ. Հակոբյանը պատասխանեց՝ «մեր ժողովուրդն է»:
Հարցին էլ՝ ձեր ժողովուրդը ձեր դեմ է դուրս եկել, ձեր հրաժարականն է պահանջում՝ Հ. Հակոբյանն այսպես պատասխանեց. «Գիտենք: Եթե միայն ես եմ, կհրաժարվեմ»:
