ԱԺ նիստը չկայացավ. գրանցվել է 27 պատգամավոր
Այսօր ԱԺ նիստը տապալվեց՝ քվորում չլինելու պատճառով: 105 պատգամավորներից նիստին մասնակցում էր ընդամենը 27 պատգամավոր:
Արա Բաբլոյանը հայտարարեց, որ ԱԺ կանոնակարգ օրենքի համաձայն, 4 ժամ հետո կրկին կհրավիրվի ԱԺ նիստ:
«Նշված ժամկետում նիստի իրավազորությունն ապահովելու դեպքում նիստը նախագահողը պատգամավորներին տեղեկացնում է նիստը սկսելու մասին: Չապահովման դեպքում նիստերը համարվում են չկայացած»,- ասաց Բաբլոյանը:
«Ծառուկյան» խմբակցության քարտուղար Վահե Էնֆիաջյան նշեց, որ քանի որ երկրում աննախադեպ իրավիճակ է, հետևաբար իրենք հայտարարում են քաղաքական բոյկոտ և այս 4-օրյա աշխատանքներին չեն մասնակցելու:
