Երևանի տարբեր հատվածներում ճանապարհները փակ են (ուղիղ)
Երևանի տարբեր հատվածներում այսօր վաղ առավոտից մեկնարկել են Նիկոլ Փաշինյանի նախաձեռնած քաղաքացիական անհնազանդության ակցիաները:
Դեպի «Զվարթնոց» օդանավակայան տանող ճանապարհը փակել են մի խումբ քաղաքացիներ: Նրանց շարքում են աշակերտներ, ովքեր հայտարարել են, որ դասադուլ են անում և միանում են բողոքի ակցիային: Շատ զբոսաշրջիկներ իրենց ճամպրուկներով ոտքով են շարժվում դեպի օդանավակայան:
Դեպի օդանավակայան տանող խաչմերուկում կուտակված մեքենաների վարորդների և ճանապարհը փակած քաղաքացիների միջև անգամ տեղի ունեցավ թեթև քաշքշուկ: Մի մեքենայի վարորդն ու ուղևորները պահանջում էին բաց անել ճանապարհը՝ նշելով, որ կարևոր գործեր ունեն: Փոքր վիճաբանությունից հետո նրանց հաջողվեց հեռանալ խաչմերուկից: Ճանապարհահատվածում զգալի թվով ոստիկաններ են կուտակված:
Փակված է նաև Աշտարակից դեպի Երևան եկող ճանապարհը:
Բողոքի ակցիաներ են մեկնարկում նաև Երևանի այլ հատվածներում, մասնավորապես Աբովյան փողոցում, Դավթաշենի կամրջի մոտ, փակ են Նոր Նորք վարչական շրջանի մի քանի փողոցներ:
