Արիզոնայի նահանգի Կոկոնինո կոմսությունում հրդեհի պատճառով արտակարգ դրություն է հայտարարվել
Արիզոնայի նահանգապետը մայիսի 1-ին արտակարգ դրություն է հայտարարել Կոկոնինո կոմսությունում հզոր հրդեհի պատճառով: Այս մասին տեղեկացնում է BBC-ն:
ԱՄՆ-ի անտառային ծառայության տվյալների համաձայն՝ հրդեհը բռնկել է 9.009 հեկտար տարածք: Հրդեհի բռնկման պատճառը դեռ անհայտ է:
«Ես այսօր հանդես եմ գալիս հայտարարությամբ, որպեսզի երաշխավորեմ, որ առկա են անհրաժեշտ ռեսուրսներ բնակիչների կյանքը, կենդանիներին և գույքը պաշտպանելու համար»,-ասել է նահանգապետ Դագ Դյուսին:
Կոկոնինո կոմսության ղեկավարի գրասենյակը տարհանում է կազմակերպել:
«Հանրության ապահովությունը գլխավոր առաջնահերթություն է»,-ասված է նահանգապետի զեկույցում:
Հրդեհի պատճառով վտանգված են 1000 կառույցներ, մոտ 500 անձնակազմ:
