Լեհաստանը ռուս դիվանագետների արտաքսման որոշում է ընդունել
Լեհաստանի արտաքին գործերի նախարարությունը Վարշավայում ՌԴ-ի դեսպան Սերգեյ Անդրեեւին իրազեկել է ռուս դիվանագետների արտաքսման հարցով իր որոշման մասին։ Ավելի վաղ հայտնի էր դարձել, որ Ռուսաստանի դիվանագիտական ներկայացուցչության ղեկավարը կանչվել է Լեհաստանի արտգործնախարարություն:
«Որոշումն ընդունված է: Այս մասին կիրազեկի լեհական կողմը»,- լրագրողներին պարզաբանել է դեսպանը՝ պատասխանելով այն հարցին, թե Լեհաստանից կարտաքսվեն արդյոք ռուս դիվանագետներ: Մարտի 23-ին հարցին ծանոթ աղբյուրը ՌԻԱ Նովոստիին հայտնել է, որ Եվրամիության մի շարք երկրներ քննարկում են ռուս դիվանագետների հնարավոր արտաքսման կամ ՌԴ-ից իրենց դիվանագետների հետկանչման հարցը՝ Սոլսբերիում տեղի ունեցած միջադեպի պատճառով:
