Apple-ը մյուս շաբաթ կներկայացնի մատչելի iPad

Bloomberg-ը հայտնում է, որ մյուս շաբաթ Apple-ը կներկայացնի մատչելի պլանշետ՝ թարմացված օպերացիոն համակարգով:

Ավելի վաղ մամուլում տարածվում էր տեղեկատվություն, ըստ որի՝ ընկերությունը նպատակ ուներ ներկայացնել մատչելի MacBook:

Ըստ մամուլի տեղեկությունների՝ ընկերության ներկայացրած iPad-ը կարժենա 259 դոլար: Ըստ Bloomberg-ի տվյալների՝ այս միջոցով Apple-ը ցանկանում է շուկայում գերազանցել Google-ին և Microsoft-ին: Հայտնի է, որ դպրոցականների և ուսանողների շրջանում գինը շատ մեծ նշանակություն ունի, այդ իսկ պատճառով՝ Apple-ը դիմել է նման քայլի:

Bloomberg-ը նաև հայտնում է, որ Apple-ը դեռևս մշակում է մատչելի MacBook-ը:  Այն, ամենայն հավանականությամբ. կփոխարինի MacBook Air-ին:  Ընկերությունը չի թարմացրել MacBook Air-ը 2010 թվականից: Ըստ շշուկների՝ նոր նոութբուքը կարող  է լինել նախորդներից 2 անգամ մատչելի:

Սիրարփի Աղաբաբյան