Երևանում հոսանքահարված 11-ամսական երեխայի կյանքին վտանգ չի սպառնում
Երեւանում հոսանքահարված 11-ամսական երեխայի վիճակը բավարար է: Մուրացանի մանկական հիվանդանոցի բուժանձնակազմի ջանքերով փոքրիկի կյանքին սպառնացող վտանգ չկա:
«Արմենպրես»-ի հետ զրույցում Մուրացանի մանկական հիվանդանոցի տնօրեն, գլխավոր բժիշկ Բագրատ Բավեյանն ասաց, որ փոքրիկը բժիշկների ուշադրության կենտրոնում է: «Նրա բուժումը պետք է շարունակվի»,-ասաց Բավեյանը:
Բադալ Մուրադյան 7-րդ շենքի բնակարաններից մեկում մարտի 22-ին հայտնաբերվել էր 65-ամյա կնոջ հոսանքահարված դի, իսկ նրա 11-ամսական տղա թոռը՝ Ա. Պ-ն, ծայրահեղ ծանր ախտորոշմամբ տեղափոխվել էր Մուրացանի մանկական հիվանդանոց: Նշվում է, որ հոսանքահարման նախնական պատճառը էլեկտրական սավանն է եղել:
