«Ուսեյն Բոլտը հրաշալի ատլետ է, բայց ֆուտբոլային դաշտում պետք է մտածել, ոչ միայն վազել». Խավի
«Բարսայի» լեգենդը չի հավատում ճամայկացի վազորդին: «Բարսելոնայի» նախկին կիսապաշտպան Խավին մեկնաբանել է պրոֆեսիոնալ ֆուտբոլիստ դառնալու՝ Ուսեյն Բոլտի երազանքը:
«Ի՞նչն է տարբերում ժամանակակից ֆուտբոլիստին: Տաղանդը: Իսկ ի՞նչ է տաղանդը: Դա կարողությունն է՝ վերահսկելու այն, ինչ անում ես, և այն, ինչ մյուսներն են անում: Դու խաղում ես գլխի օգնությամբ, այլ ոչ միայն՝ ոտքերի:
Ինձ դուր է գալիս Ուսեյն Բոլտը, նա հրաշալի ատլետ է: Եթե խոսենք միայն ֆիզիկայի մասին, ապա ոչ ոք չի մոտենա նրան: Բայց ամենայն հարգանքով Բոլտի նկատմամբ, ֆուտբոլային դաշտում նա երբեք տարբերություն չի ստեղծի»,- Խավիի խոսքերն է մեջբերում Goal-ը:
Պատրաստեց Անի Գաբուզյանը
