Իրկուտսկի տարածաշրջանում շրջիկ կրկեսային խմբին փրկել են սառնամանիքից
Իրկուտսկի տարածաշրջանում շրջիկ կրկեսային խմբին փրկել են սառնամանիքից, այն բանից հետո, երբ վերջիններիս մեքենան փչացել է ճանապարհի կեսին:
Ինչպես հաղորդում է «Ինտերֆաքս» գործակալությունը, օդի ջերմաստիճանն այդ պահին հասնում էր -40-ի: «Շրջիկ կրկեսի ութ անդամների եւ 7 կենդանիների կյանքը վտանգի տակ էր»,- գործակալությանն ասել է Ռուսաստանի ներքին գործերի նախարարության ներկայացուցիչ Իրինա Վոլկը:
Վոլկի խոսքով` մարդիկ, կենդանիներն ու շարքից դուրս եկած մեքենան տեղափոխվել են Բոդայբո քաղաք:
