ՄԻԵԴ-ում «Մարտի 1»-ով վճիռներ կլինեն տարեվերջին. Ինչու է Հայաստան ժամանում ԵԽ պատվիրակությունը. «Հրապարակ»
«Հրապարակ» թերթը գրում է. «Մեր տեղեկություններով` առաջիկա օրերին Հայաստան կժամանի Եվրոպայի խորհրդի ներկայացուցչական պատվիրակություն, այդ թվում` ԵԽ գլխավոր դատախազների ասոցիացիայի փոխնախագահ` ՌԴ նախկին գլխավոր դատախազ Չայկայի տեղակալը, Իտալիայի զինդատախազը` քննարկելու Հայաստանի կողմից Եվրադատարանի վճիռների կատարման հարցերը: Ինչո՞ւ է նման անհրաժեշտություն առաջացել` հարցրինք նրանց Հայաստան հրավիրած՝ ՄԻԵԴ-ում ՀՀ ներկայացուցիչ Գեւորգ Կոստանյանին:
«Հրատապություն չկա, դեռ 6-7 ամիս առաջ պայմանավորվել էինք, որ գարնանը` իրենց հարմար ժամկետներում կժամանեն Հայաստան` առաջացած հարցերը քննարկելու․ չմոռանանք, որ Հայաստանը ԵԽ-ում համարվում է վճիռների կատարման հարցերով առաջատարներից մեկը»: Իսկ սխալ վճիռներ կայացնելու մասով առաջատար չե՞ք: «Մենք չունենք արտառոց սխալների ծավալ»:
Մարտի 1-ի գործերը քննարկվելո՞ւ են: «Ոչ, դրանք դեռ ընթացքի մեջ են, իրավահաջորդները դեռ չեն դիմել ՄԻԵԴ»: Ե՞րբ կավարտվեն այդ գործերը: «Կարծում եմ` մինչև տարվա վերջ Մարտի 1-ին առնչվող վճիռներ կլինեն»:
Իսկ Իտալիայի, ՌԴ նախկին դատախազներն ինչո՞ւ են եկել: «Նույն խնդիրներով` գումարած ՀՀ դատախազության ոլորտի բարեփոխումները»:
Ամբողջությամբ կարող եք կարդալ թերթի այսօրվա համարում:
