Խաբի Ալոնսոյին սպառնում է 8 տարի ազատազրկում
Լա Լիգան հանցագործներ է ծնում: Նախկին ֆուտբոլիստ Խաբի Ալոնսոյին սպառնում է 8 տարի ազատազրկում և 8 մլն եվրոյի չափով տուգանք՝ հարկերից խուսափելու համար:
Իսպանացին մեղադրվում է հարկային օրենքի երեք խախտումների մեջ: Նա օգտագործել է Մադեյրարում (Պորտուգալիա) գրանցված կեղծ ընկերությունը՝ իմիջային իրավունքներ կառավարելու համար: Ինչպես հաղորդում է El Confidencial-ը, նախկին ֆուտբոլիստն իր մեղքը չի ընդունել:
Խաբի Ալոնսոն հանդես է եկել «Ռեալ Սոսիեդադի», «Էյբարի», «Լիվերպուլի», «Ռեալի» և «Բավարիայի» կազմերում, որտեղ էլ 2017 թվականին ավարտեց կարիերան: Իսպանիայի հավաքականի կազմում Ալոնսոն դարձել է Եվրոպայի երկակի չեմպիոն (2008, 2012) և 2010թ. Աշխարհի չեմպիոն:
Պատրաստեց Անի Գաբուզյանը
