ԱՄՆ-ը 3,5 մլն դոլար կհատկացնի Վրաստանին մարմարամլակների դեմ պայքարելու համար
ԱՄՆ-ի Միջազգային զարգացման գործակալությունը (USAID) 3,5 միլիոն դոլար կհատկացնի Վրաստանին մարմարամլակների դեմ պայքարելու համար: Այդ մասին ասված է Վրաստանի շրջակա միջավայրի եւ գյուղատնտեսության նախարարության մամուլի ծառայության հաղորդագրության մեջ:
Համապատասխան հուշագիրն ստորագրել են Վրաստանի շրջակա միջավայրի եւ գյուղատնտեսության նախարար Լեւան Դավիթաշվիլին եւ Եվրոպայի եւ Ասիայի երկրներում USAID-ի փոխկառավարիչ Բրոք Բիրմանը: USAID-ի ֆինանսներով Վրաստանը մտադիր է գնել տեխնիկա եւ ֆերոմոններ, ինչպես նաեւ ուսուցում կազմակերպել Պարենի ազգային գործակալության աշխատակիցների համար, նշել է նախարարը, հաղորդել է Sputnik-ը:
