Լիտվայի բանկը կթողարկի աշխարհում առաջին կոլեկցիոն կրիպտոմետաղադրամը
Լիտվայի բանկը (կենտրոնական բանկը) արդեն այս տարի կթողարկի աշխարհում առաջին կոլեկցիոն կրիպտոմետաղադրամը: Այս մասին լրագրողներին հայտնել է բանկի վարչության անդամ Մարյուս Յուրգիլասը։
«Ապրիլի վերջին – մայիսի սկզբին կհայտարարվի միջազգային մրցույթ, որի ընթացքում պետք է ընտրվեն կրիպտոմետաղադրամի թողարկման տեխնոլոգիական լուծումները»,- ասել է նա: Այնուհետեւ բանկը կորոշի թողարկման ժամկետը, անվանական արժեքը, հատման քանակը, դրամագիտական իրի տարածման եղանակները: Նումիզմատիկական նոու-հաուն բանկը կնվիրի Լիտվայի անկախության 100-ամյակին, որը նշվում է այս տարի, հաղորդել է ՏԱՍՍ-ը:
