Մակրոնը և Էրդողանը Արևելյան Գութայի ճգնաժամի քաղաքական լուծում են փնտրելու
Ֆրանսիայի նախագահ Էմանուել Մակրոնը մարտի 4-ին հեռախոսազրույց է ունեցել Թուրքիայի նախագահ Թայիփ Էրդողանի հետ, որի ընթացքում նրա հետ քննարկել է լարված իրադրությունը Սիրիայի Արեւելյան Գութայում: Այս մասին ասված էԵլիսեյան պալատի տարածած մամուլի տեղեկագրում:
«Նախագահը զրուցակցին հայտնել է իր խորն անհանգստությունը եւ հայտարարել, որ միջոցներ պետք է ձեռնարկվեն անհապաղ, առանձնապես Իրանի եւ Ռուսաստանի կողմից, որպեսզի Դամասկոսն ընդունի ՄԱԿ-ի բանաձեւը, անհրաժեշտ թույլտվություններ տա մարդասիրական ավտոշարասյուներին եւ ապահովի վիրավորների տարահանումը՝ դրա համար ապահովելով հումանիտար դադար՝ ՄԱԿ-ի վերահսկողության ներքո»,- նշվում է մամուլի տեղեկագրում, հաղորդել է ՏԱՍՍ-ը:
