Դիարբեքիրի 104 գյուղերում փողոց դուրս գալու արգելք է հայտարարվել
Դիրաբեքիրի նահանգապետարանը հայտարարություն է տարածել այն մասին, որ նահանգի 104 գյուղերում մարտի 2-ից սկսած փողոց դուրս գալու արգելք է հայտարարվել: Այս մասին հայտնում է թուրքական «Դողան» գործակալությունը:
Թուրքիայի իշխանությունները արգելքը պայմանավորել են այդ տարածքներում «ահաբեկչական տարրերի դեմ» գործողություններ իրականացնելու և այդ ընթացքում «քաղաքացիական անձանց անվտանգությունն ապահովելու» անհրաժեշտությամբ:
Արգելքը կգործի մինչև այն վերացնելու մասին համապատասխան հայտարարության հնչեցումը:
