«Իմ երկար տարիների գիտելիքը, փորձառությունը և ողջ եռանդը կներդնեմ ՀՀ նախագահի պարտականությունները լիովին կատարելուն». ՀՀ 4-րդ նախագահ
Ինչպես հայտնել ենք, այսօր ՀՀ Ազգային ժողովն ընտրեց ՀՀ չորրորդ նախագահ Արմեն Սարգսյանին: Նա ընտրվեց 90 կողմ, 10 դեմ ձայների հարաբերակցությամբ:
Ընտրությունից հետո Ա. Սարգսյանն ԱԺ ամբիոնից շնորհակալություն հայտնեց պատգամավորներին քվեարկության համար. «Ուզում եմ շնորհակալություն հայտնել բոլոր կողմ և դեմ քվեարկողներին: Իմ երկար տարիների գիտելիքը, փորձառությունը և ողջ եռանդը կներդնեմ ՀՀ նախագահի պարտականությունները լիովին կատարելուն և կծառայեմ ՀՀ-ին, ՀՀ քաղաքացիներին և ողջ ժողովրդին: Ակնկալում եմ ձեր աջակցությունը և մասնակցությունը, ինչպես նաև մեր ողջ քաղաքացիների մասնակցությունը մեր ապագա նոր հաղթանակներին»:
