2020 թվականի Օլիմպիական խաղերի թալիսմաններ են ընտրվել ճապոնական անիմեի ոճով արված ֆիգուրները
2020 թականի Տոկիոյի ամառային Օլիմպիական խաղերի եւ Պարալիմպիական խաղերի պաշտոնական թալիսմաններ են ընտրվել ճապոնական անիմի ոճով պատրաստված ֆիգուրները՝ համապատասխանաբար կապույտ եւ վարդագույն վանդակավոր նախշով: Փետրվարի 28-ին այս որոշման մասին հայտարարել է Խաղերի կազմկոմիտեին կից հատուկ խորհուրդը։
Խորհուրդը հիմնվել է քվեարկության արդյունքների վրա, որն անցկացվել է Ճապոնիայի տարրական դպրոցների ավելի քան 16 հազար աշակերտների շրջանում: Ինչպես փետրվարի 28-ին հայտնել է NHK հանրային հեռուստատեսությունը, Խաղերի թալիսմանի որոշման այս միջոցն առաջին անգամ է օգտագործվել օլիմպիական շարժման պատմության մեջ:
Տոկիոյում Խաղերը տեղի կունենան 2020 թվականի հուլիսի 24-ից մինչեւ օգոստոսի 9-ը, հաղորդել է ՏԱՍՍ-ը:
