Թբիլիսիում վերջին ամսիներին երրորդ անգամ կողոպտել են «Լիբերտի» բանկի մասնաճյուղը
Թբիլիսիում դիմակավոր հանցագործը կողոպտել է «Լիբերտի բանկի» մասնաճյուղը: Այդ մասին հայտնել են Վրաստանի զանգվածային լրատվամիջոցները:
Ականատեսների վկայությամբ՝ հարձակման ժամանակ շենքում եղել են շուրջ 20 հաճախորդներ եւ մի քանի աշխատակիցներ: Սպառնալով ատրճանակով՝ կողոպտիչը վերցրել է փողը ու փախել:
Նշվում է, որ «Լիբերտի» բանկի այդ մասնաճյուղը վերջին մի քանի ամսում կողոպտել են արդեն երրորդ անգամ: Նախորդ երկու դեպքերում ոստիկանությունը ձերբակալել էր կողոպտիչներին, հաղորդել է «Ինտերֆաքս»-ը:
