Պետրոսյանը և Սարգսյանը կես միավորով են ետ առաջատարից
Մոսկվայում շարունակվող «Aeroflot open» մրցաշարի 7-րդ տուրում Պետրոսյանը կրկին կիսեց միավոր: Ոչ-ոքի խաղացին նաև Արամ Հակոբյանը, Մանուէլ Պետրոսյանը, Շանթ Սարգսյանը: Հաղթանակ տարավ միայն Գաբրիել Սարգսյանը: Պարտվեցին Արման Միքայելյանը, Հայկ Մարտիրոսյանը:
7-րդ տուրից հետո Տիգրան Պետրոսյանը և Գաբրիել Սարգսյանն ունեն հավասար՝ 5-ական միավոր և առաջատարից ետ են կես միավորով:
«Aeroflot open» մրցաշարը մեկնարկել է փետրվարի 19-ին և կավարտվի մարտի 2-ին:
