«Ավագանու նիստում և՛ կանանց նկատմամբ բռնություն տեսա, և՛ տղամարդկանց». Ռուզաննա Մուրադյան
«Ես չեմ ուզում գնահատական տալ, որովհետև գնահատականը կտան պատկան մարմինները»,- 168.am-ի հետ զրույցում ասաց ՀՀԿ-ական պատգամավոր Ռուզաննա Մուրադյանը՝ խոսելով Երևանի ավագանու նիստի ընթացքում տեղի ունեցած աղմկահարույց միջադեպի մասին:
Այնուամենայնիվ, մեր զրուցակիցն ասաց, որ երևույթը տգեղ էր՝ «և՛ հարցեր բարձրացնելու տեսակետից, և՛ հրահրած իրավիճակը կանխելու տեսակետից»:
Մեր դիտարկմանը, թե անընդհատ խոսվում է, որ կանանց նկատմամբ բռնություն է տեղի ունեցել, ինչն անընդունելի է, Ռ. Մուրադյանն այսպես արձագանքեց. «Ես ընդհանրապես բռնությանն եմ դեմ՝ և՛ կանանց նկատմամբ, և՛ տղամարդկանց, այնտեղ այդ երկուսն էլ տեսա»:
