«Կհաղթենք «Արսենալին» և կհասնենք մինչև Եվրոպայի լիգայի եզրափակիչ». «Էսթերսունդի» նախագահ
«Էսթերսունդի» նախագահ Դանիել Կինդբերգը կիսվել է Եվրոպայի լիգայի 1/16 եզրափակչում «Արսենալի» հետ կայանալիք առաջին խաղի սպասումներով:
«Մենք կհաղթենք «Արսենալին»: Բացարձակապես դրանում վստահ եմ: 100 տոկոս: Տեսնում եմ՝ ինչ մարզավիճակում են նրանք, և ինչ մարզավիճակում ենք մենք: Կսկսենք լուծել խնդիրն առաջին խաղում՝ տանը, իսկ հետո ուրախությամբ կգնանք «Էմիրեյթս»: Այնտեղ հիասքանչ խոտածածկ է՝ այն, ինչ մեզ պետք է:
Երբ ես ասում էի, որ կհաղթենք «Գալաթասարային» որակավորման փուլում, մարդիկ ինձ խելագար էին համարում: Բայց այն ժամանակ իդեալական պահ էր նման բանի համար, իսկ հիմա նույն բանն է: «Էսթերսունդը» կանցնի «Արսենալին» և կխաղա 1/8 եզրափակչում: Մարդիկ ինձ հիմար են անվանում, երբ ես ասում եմ, որ մենք գնալու ենք Լիոն եզրափակիչ խաղին, բայց դա մեր նպատակն է»,- Կինդբերգին է մեջբերում The Sun-ը:
Պատրաստեց Անի Գաբուզյանը
