Լիբիայում տասնյակ միգրանտներ են զոհվել ավտովթարի հետևանքով
Սոմալիից եւ Էրիթրեայից առնվազն 30 միգրանտներ են զոհվել Լիբիայի հարավ-արեւմուտքում տեղի ունեցած խոշոր ճանապարհատրանսպորտային պատահարի հետեւանքով: Այդ մասին հայտնել է Sky News Arabia արաբական հեռուստաալիքի կայքը:
Ըստ առկա տեղեկատվության, Տրիպոլիից 200 կիլոմետր հեռավորության վրա գտնվող Բենի Վալիդ քաղաքի շրջանում ընթացող բեռնատար ավտոմեքենայում կարող էին գտնվել մոտավորապես 300 միգրանտներ, հիմնականում՝ Սոմալիից եւ Էրիթրեայից:
Բժիշկների տվյալներով՝ տուժել է ավելի քան 100 մարդ: Բեռնատարի վարորդը կորցրել է մեքենայի կառավարումը, եւ այն շրջվել է: Տուժածներին տեղափոխել են մերձակա հիվանդանոցներ, հաղորդել է ՌԻԱ Նովոստին:
