Խորագիր:

«Ուզում ենք մեր պատրիարքին ընտրել». Գարո Փայլան

«Ուզում ենք մեր պատրիարքին ընտրել». Գարո Փայլան

Թուրքիայի մեջլիսի հայ պատգամավոր Գարո Փայլանը դեմ է արտահայտվել պատրիարքական փոխանորդի պաշտոնին Արամ արքեպիսկոպոս Աթեշյանին թողնելու թուրքական իշխանությունների որոշմանը: Այս մասին քրդամետ Ժողովուրդների դեմոկրատական կուսակցության պատգամավորը գրառում է կատարել թվիթերյան իր միկրոբլոգում:

«Հայոց պատրիարքարանում հարկադիր կատարողի նշանակելու համար ինտրիգներ են գործի դրվել: Սակայն մենք չենք ընդունում հարկադիր կատարողին: Ուզում ենք մեր պատրիարքին ընտրել»,- գրել է Փայլանը:

Ստամբուլի նահանգապետարանը փետրվարի 5-ին ուշացած պատասխանել էր Պոլսո Հայոց պատրիարքի ընտրության վերաբերյալ ամիսներ առաջ հայկական կողմի ուղարկած դիմումին՝ հայտնելով, որ չի ճանաչում Գարեգին արքեպիսկոպոս Բեքչյանին որպես պատրիարքական տեղապահ: Ստամբուլի փոխնահանգապետ Իսմայիլ Գյուլթեքինի կողմից ստորագրված նամակում նշվել է, որ Պոլսո Հայոց պատրիարք Մեսրոպ Մութաֆյանը դեռևս ողջ է և հետևաբար չկան անհրաժեշտ պայմաններ նոր պատրիարքի ընտրության համար: Նույն հայտարարության մեջ ասվում էր, որ թուրքական իշխանությունները շարունակում են ճանաչել Արամ արքեպիսկոպոս Աթեշյանին՝ որպես պատրիարքական փոխանորդ:

Այս հայտարարությունից հետո Պոլսո Հայոց պատրիարքարանի Կրոնական ժողովը փետրվարի 9-ին որոշում է կայացրել այն մասին, որ Արամ արքեպիսկոպոս Աթեշյանը կշարունակի պաշտոնավարել որպես պատրիարքական փոխանորդ:

Գարեգին արքեպիսկոպոս Բեքչյանը, ով 2017 թվականի մարտի 15-ին Հոգևոր խորհրդի կողմից ընտրվել էր պատրիարքական տեղապահի պաշտոնում, հայտարարել էր Ստամբուլից հեռանալու որոշման մասին:

Գովազդ
Լրահոս
Ամենաընթերցված
ՕրվաՇաբաթվաԱմսվա
2017-11-28
Ի՞նչ կտա Հայաստանի սովորական քաղաքացիներին ՀՀ-ԵՄ համաձայնագիրը
Հայաստանում Եվրոպական միության պատվիրակության ղեկավար, Արտակարգ և լիազոր դեսպան Պյոտր Սվիտալսկին երեկ լրագրողների հետ հանդիպման ընթացքում խոսեց Հայաստան-Եվրոպական միություն նոր համաձայնագրի մասին։