Մանրամասներ Երևանում երկու կանանց վրաերթի դեպքից
Երևանում վրաերթի ենթարկված քաղաքացիներից մեկի վիճակը ծանր է: Այս մասին հայտնում է ՀՀ արտակարգ իրավիճակների նախարարությունը:
Փետրվարի 13-ին՝ ժամը 19:59-ին, ահազանգ է ստացվել, որ Երևան քաղաքի Եղվարդի խճուղում՝ «Սոչի պլազա» հյուրանոցի մոտակայքում ավտոմեքենան վրաերթի է ենթարկել երկու քաղաքացու. անհրաժեշտ է փրկարարների օգնությունը: Դեպքի վայր են մեկնել մեկ մարտական հաշվարկ, Ճգնաժամային կառավարման ազգային կենտրոնի օպերատիվ, աղետների և բժշկության կենտրոնի հերթապահ խմբերը:
Պարզվել է, որ Եղվարդի խճուղու վերջնամասում 1955 թ. ծնված Մ. Ե.-ը «BMW» մակնիշի 02 OU 151 պետհամարանիշով ավտոմեքենայով վրաերթի է ենթարկել 1958 թ. ծնված Ա. Ս.-ին և 1962 թ. ծնված Զ. Ս.-ին: Փրկարարները տուժածներին մոտեցրել են շտապօգնության և ԱԲԿ շտապօգնության ավտոմեքենաներին:
Ա. Ս.-ը հոսպիտալացվել է «Արմենիա» ՀԲԿ, իսկ Զ. Ս.-ին աղետների և բժշկության կենտրոնի հերթապահ բժիշկը տեղում ցուցաբերել է անհրաժեշտ բուժօգնություն: Զ. Ս.-ը ԱԲԿ շտապօգնության ավտոմեքենայով հոսպիտալացվել է «Արմենիա» ՀԲԿ, որտեղ բժիշկները տուժածների առողջական վիճակը գնահատել են ծանր:
