Մահացել է ամերիկացի երգիչ Վիք Դամոնեն
89 տարեկան հասակում մահացել է ամերիկացի երգիչ Վիտո Ֆարինոլան, որը հայտնի է Վիք Դամոնե կեղծանվամբ: Այս մասին հայտնել է Fox News-ը՝ վկայակոչելով արտիստի ընտանիքը: Երաժիշտը վախճանվել է Մայամի Բիչի բժշկական կենտրոնում՝ մերձավոր հարազատների շրջապատում: Մահվան ստույգ պատճառը չի հաղորդվում:
Նշվում է, որ Դամոնեն լաունժ-վոկալիստների ոսկե դարաշրջանի մասն է դարձել, որոնք հռչակվեցին Երկրորդ համաշխարհային պատերազմից հետո, եւ որոնց թվում են Ֆրենկ Սինատրան, Թոնի Բենետը, Դին Մարտինը եւ Փերի Քոմոն:
Երգչի ամենահայտնի հիթերի թվում են You՚re Breaking My Heart-ը եւ On The Street Where You Live-ը: Արտիստի վերջին ալբոմը թողարկվել է 1997վականին, հաղորդել է ՌԻԱ Նովոստին:
