Արոնյանի առաջին մրցակիցը հավակնորդների մրցաշարում Լիժենն է
Շախմատի աշխարհի չեմպիոնի կոչման հավակնորդների մրցաշարի վիճակահանությունն ավարտվել է, և շախմատիստները գիտեն իրենց մրցակիցներին:
Լևոն Արոնյանի առաջին մրցակիցը մեկնարկային տուրում կլինի Դին Լիժենը: Մյուս զույգերը կկազմեն Կրամնիկը և Գրիշչուկը, Կարյակինը և Մամեդյարովը, Կարուանան և Սոն:
Շախմատի աշխարհի չեմպիոնի կոչման հավակնորդների մրցաշարը կմեկնարկի մարտի 10-ին Բեռլինում: Շախմատիստները կխաղան 14 տուր և կունենան 4 հանգստյան օր: Մրցաշարի ընդհանուր մրցանակային ֆոնդը կազմում է 420 հազար եվրո:
