Ավանդական Օպերային պարահանդեսը՝ Վիեննայում

Ավանդական Օպերային պարահանդեսը՝ Վիեննայում

Վիեննայում կայացել է ավանդական Օպերային պարահանդեսը՝ աշխարհում ամենահայտնիներից եւ Ավստրիայում ամենահեղինակավորներից մեկը: Այն ավարտում է տարեշրջանը, որի ընթացքում մայրաքաղաքում անցկացվում են երեք հարյուրից ավելի պարահանդեսներ։

Միջոցառումը բացվել է պոլոնեզով՝ 144 զույգ դեբյուտողների կատարմամբ, այնուհետեւ նրանք պոլկա են պարել: Դրանից հետո մեկնարկել է համերգը՝ Վիեննայի պետական բալետի ու օպերայի մենակատարների մասնակցությամբ: Յոհան Շտրաուս-որդու՝ «Հիանալի կապույտ Դանուբի վրա» վալսի ժամանակ զույգերը հյուրերին Alles Walzer! («Վալս են պարում բոլորը») արտահայտությամբ հրավիրել են միանալ իրենց:

Պարահանդեսին երաժշտությունը կատարել է Վիեննայի օպերայի 150 մարդուց բաղկացած նվագախումբը:

17-ից մինչեւ 24 տարեկան դեբյուտողներին ընտրում է ժյուրին, որը բաղկացած է խորեոգրաֆներից, Վիեննայի պետական բալետի մենակատարներից, պարի ուսուցիչներից: Գլխավոր չափանիշը գերազանց պարային հմտություններն են:

Մասնակիցներ կարող են դառնալ ոչ միայն Ավստրիայի բնակիչները, բայց պարահանդեսի բացմանը կարելի է մասնակցել միայն մեկ անգամ: Միջոցառումը հեռարձակվում է ուղիղ եթերով, այն դիտում է մոտավորապես 1,5 մլն մարդ, հաղորդել է ՏԱՍՍ-ը:

 

 

Բաժնի նյութերի ընտրանի

Գովազդ
Լրահոս
Ամենաընթերցված
ՕրվաՇաբաթվաԱմսվա
2017-11-28
Ի՞նչ կտա Հայաստանի սովորական քաղաքացիներին ՀՀ-ԵՄ համաձայնագիրը
Հայաստանում Եվրոպական միության պատվիրակության ղեկավար, Արտակարգ և լիազոր դեսպան Պյոտր Սվիտալսկին երեկ լրագրողների հետ հանդիպման ընթացքում խոսեց Հայաստան-Եվրոպական միություն նոր համաձայնագրի մասին։