Սինգապուրի ավիասալոնում հարավկորեական ինքնաթիռ է բռնկել
Փետրվարի 6-ին Սինգապուրում Singapore Airshow 2018 միջազգային ավիասալոնի բացման ժամանակ ցուցադրական թռիչքներին նախապատրաստվելիս բռնկել է հարավկորեական ինքնաթիռներից մեկը: Կազմակերպիչների խոսքով՝ օդաչուն թեթեւ վնասվածքներ է ստացել։
T-50 Golden Eagle գերձայնային ուսումնական ռեակտիվ ինքնաթիռը Չանգի օդանավակայանում վերթիռի ժամանակ դուրս է եկել թռիչքավայրէջքային գոտու սահմաններից, բախվել է արգելապատնեշին եւ բռնկել:
Նախնական վարկածով՝ պայթել է ինքնաթիռի շասսիի կամերան: Դրանից հետո Չանգիի օդանավակայանի գոտիներից մեկը փակվել է, իսկ ավիասալոնի շրջանակներում բոլոր ցուցադրական թռիչքները ժամանակավորապես դադարեցվել են, հաղորդել է ՏԱՍՍ-ը:
