«Արսենալը» «Մանչեսթեր Սիթիի» դեմ կպայքարի Ռիհադ Մահրեզի համար
«Լեսթերի» կիսապաշտպան Ռիհադ Մահրեզը հետաքրքիր է մնում անգլիական գրանդների համար: Ձմեռային տրանսֆերային պատուհանի վերջին օրը «Մանչեսթեր Սիթին» ալժիրցի կիսապաշտպանի համար առաջարկեց 60 մլն ֆունտ, սակայն մերժում ստացավ «Լեսթերի» կողմից:
Հիմա Ռիհադն իր դժգոհությունը հայտնելով մարզումները բաց թողնելու օգնությամբ՝ նոր առաջարկի սպասում է ամռանը: Ինչպես հաղորդում է Daily Star-ը, «քաղաքայինները» պատրաստ են ձեռնարկել Մահրեզին ձեռք բերելու ևս մեկ փորձ, սակայն նրանք ստիպված կլինեն բախվելու լուրջ մրցակցության:
Ըստ պարբերականի տեղեկության՝ Ռիհադի ծառայություններով մինչ օրս հետաքրքրված է «Արսենալը», չնայած այն բանին, որ երկարաձգեց պայմանագիրը Մեզութ Օզիլի հետ և իրականացրեց Հենրիխ Մխիթարյանի տրանսֆերը «Մանչեսթեր Յունայթեդից»: Ընթացիկ մրցաշրջանում Մահրեզը բոլոր մրցաշարերում անցկացրած 27 խաղերում դարձել է 9 գոլի և 7 փոխանցման հեղինակ:
Պատրաստեց Անի Գաբուզյանը
