Բախը բացեց Զինադադարի պատը Հարավային Կորեայի Փյոնչհանի Օլիմպական ավանում
Միջազգային օլիմպիական կոմիտեի (ՄՕԿ) նախագահ Թոմաս Բախը բացել է Զինադադարի պատը Հարավային Կորեայի Փյոնչհան քաղաքի Օլիմպիական ավանում, որտեղ փետրվարի 9-ին մեկնարկում են ձմեռային Խաղերը։
Երեք մետր բարձրությամբ եւ վեցուկես մետր երկարությամբ բետոնե պատը խորհրդանշում է խաղաղություն, պատերազմների դադարեցում, ինչն Օլիմպիական խաղերի հնագույն ավանդույթներից մեկն է:
Մրցումների ժամանակ, որոնք կտեւեն մինչեւ փետրվարի 25-ը, Օլիմպիական ավանում բնակվող մարզիկները կկարողանան Պատին թողնել իրենց ուղերձներն աշխարհին:
Այս պատմությանը խորհրդանշականություն է հավելում այն հանգամանքը, որ առաջիկա Օլիմպիադայում հանդես կգան ատլետներ ԿԺԴՀ-ից:
2018-ի Խաղերի Զինադադարի պատի հեղինակը տեղացի դիզայներ Լի Չժե Սոկն է, հաղորդել է ՏԱՍՍ-ը:
